Infinitiv: e-infinitiv
I norrønt slutta alle verb i infinitiv på –a, som fara (’fare’), vera (’vere’), kasta (’kaste’). Denne endinga har i mange dialektar endra seg over tid og på ulike måtar, slik at det i dag finst fire ulike hovudsystem for infinitivsending i norske dialektar:
- a-infinitiv (å vera, å kasta)
- e-infinitiv (å vere, å kaste)
- Kløyvd infinitiv (å vera, å kast/kaste)
- Apokope/nullinfinitiv (å ver, å kast)
Infinitivsendingar er mykje brukt i inndelinga av dei norske dialektane. Saman med endinga i svakt hokjønn eintal ubestemt form (ei vise) talar ein ofte om a-mål, e-mål, e/a-mål og nullmål.
I nordnorske dialektar er det i dag hovudsakeleg anten apokope (nullinfinitiv) eller e-infinitiv, men i tradisjonelt er det også kløyvd infinitiv. e-infinitiv finn vi i dialektar i nordlege delar av Nordland (unntatt sørlege Vesterålen), Troms og Finnmark (Jahr og Skare 1996: 47). Endinga kan utelatast av og til og i større eller mindre grad, og dette blir kalla fri apokope.
I talemålsmaterialet frå ScanDiaSyn held infinitivendinga seg omtrent som tradisjonelt beskrive i nordnorsk, men i opptaka frå indre Troms høyrer ein mest e-infintiv, og det er også innslag av e-ending i delar av apokopeområdet.
Det følgande kartet viser stader i Nord-Noreg med minst eitt belegg på infintivsforma komme i transkripsjonane i Nordisk dialektkorpus (Johannessen et al. 2009), og vi ser at denne forma med e-ending er belagt i så å seie heile det nordnorske området.
Kjelder
Jahr, Ernst Håkon og Olav Skare. 1996. "Del I. Oversyn over nordnorske dialektar - kart og målprøver", i Jahr, Ernst Håkon og Olav Skare (red.). Nordnorske dialektar, s. 9-78. Oslo: Novus.
Johannessen, Janne Bondi, Joel Priestley, Kristin Hagen, Tor Anders Åfarli, and Øystein Alexander Vangsnes. 2009. "The Nordic Dialect Corpus - an Advanced Research Tool". I Jokinen, Kristiina and Eckhard Bick (red.): Proceedings of the 17th Nordic Conference of Computational Linguistics NODALIDA 2009. NEALT Proceedings Series Volume 4.
Følgende dialekter har dette målmerket:
- 01 Austfinnmarksmål
- 02 Indre finnmarksmål
- 03 Vestfinnmarksmål
- 04 Nordtromsmål
- 05 Midttromsmål
- 06 Senjamål
- 07 Indre tromsmål
- 08 Målet i Sør-Troms, Vesterålen og Ofoten
- Ballangen
- Botnhamn
- Hammerfest
- Kautokeino
- Kirkesdalen
- Kjøllefjord
- Kvæfjord
- Kvænangen
- Lakselv
- Manndalen
- Medby
- Mefjordvær
- Myre
- Narvik
- Sør-Varanger
- Stonglandseidet
- Tana
- Tromsø
- Vannøya
- Vardø